Тараптар дауы партисипативтік рәсіммен шешілді

Маңғыстау облысының мамандандырылған ауданаралық экономикалық сотында талап қоюшы «Актау Консалтинг Компани» ЖШС-нің «Маңғыстау жылу, су» МКМ-нен 4 000 000 теңгеқарыз ақшаны және сот шығындарын өндіру туралы азаматтық іс қаралды.

Тараптар азаматтық іс бойынша дауды партисипативтік рәсім тәртібімен шешу туралы келісімге келіп, келісім бойынша жауапкер талап қоюшыға 50 күн  ішінде берешек  қарызды  бөліп өтеуге, оның ішінде: 2 000 000 теңге қарызды 31 тамызға дейін, 2 000 000 теңге қарызды 30 қыркүйеккедейін төлеуге міндеттеме алды.

Талап қоюшы тараптар ортақ келісімге келуіне байланысты   талап қою арызынан толығымен бас тартты.

Сот екі тараптың мүддесінде жасалған және келісімнің талаптарын орындау үшінші тұлғаның мүдделеріне нұқсан келтірмейтінін ескеріп, тараптармен жасалған азаматтық іс бойынша дауды партисипативтік рәсіммен шешу туралы келісімді бекітті.

Ұйғарым заңды күшіне енген жоқ.