Архив событий

Жаңаөзен қалалық сотында К.-ға қатысты қылмыстық іс қаралды.

Сотта анықталғандай, сотталушы К. бас бостандығын шектеу жазасын өтеу мерзімі ішінде меншікке қарсы қылмыстық құқық бұзушылық жасаған. Нақты айтқанда, қасақана, пайдақорлық ниетпен, тонау мақсатында Жаңаөзен қаласында көшеде кетіп бара жатқан жәбірленуші Д-ның қолындағы сумкасын ашық жымқырып, қылмыс болған жерден қашып кеткен. Аталған сумканың ішінде жәбірленушінің 25 000 теңгесі, бағалы телефондары мен әшекей бұйымдары және аксессуарлары болған. Жәбірленушіге келтірілген жалпы шығын құны 218 000 теңгені құраған.

Бейнеу аудандық сотында талап қоюшы «Борышкерлермен жұмыс бюросы» ЖШС-нің жауапкер Б.-дан қарызды өндіру туралы талап арызы қаралды.

Азаматтық істің құжаттарынан анықталғандай, «Альянс Банк» АҚ-мен Б. арасында несие беру туралы шарт жасалған, шарт талабы бойынша банк жауапкерге 415 000 теңге несие берген.

Жауапкер шарт бойынша өз міндеттемелерін көрсетілген мерзімде орындамай, төлемнің мерзімін өткізіп алған және қазіргі кезге дейін шартта келісілген төлемді түсірмеген.

Маңғыстау аудандық сотына талап қоюшы С. жауапкер Б-дан 72 000 теңге қарыз және сот шығындарын өндіру туралы талап арызбен жүгінді.

Істі сотта қарау кезінде, тараптар медиативтік келісімге келді. Келісім бойынша талапкер талап мөлшерін 10 000 теңгеге дейін азайтты, ал, жауапкер Б. ағымдағы жылдың 1 қыркүйегіне дейін 10 000 теңгені қайтаруға келісті.

Сот ұйғарымымен аталған медиациялық келісім бекітіліп, іс жүргізу тоқтатылып, талап қоюшы төлеген  мемлекеттік бажды өзіне кері қайтарды.

Ұйғарым заңды күшіне енген жоқ.

Бейнеу аудандық сотында қоғамдық орындарда алкогольдік ішімдіктерді ішкені үшін азамат А-ға қатысты әкімшілік іс қаралды. 

Сот анықтағандай, азамат А. қоғамдық орындарда алкогольдік ішімдіктерді ішкені немесе оларға масаң күйде келгені үшін әкімшілік жазаға бір жыл ішінде екі рет тартыла тұра, адамның қадiр-қасиетiн және қоғамдық имандылықты қорлайтын күйде, қайталап қоғамдық орында алкогольдік ішімдікті ішкен.