Мұрагерлік даулар бойынша сот тәжірибесі талқыланды
Маңғыстау облыстық сотында «Мұрагерлік даулар бойынша сот тәжірибесі» тақырыбындағы дөңгелек үстел өткізілді.
Іс-шараға Маңғыстау облыстық сотының азаматтық істер жөніндегі сот алқасының төрағасы м.а. Ғ.Бастаубаев, облыстық, аудандық және оған теңестірілген соттардың судьялары, мемлекеттік орган өкілдері, өңір нотариустары мен заңгерлері қатысты.
Іс-шара барысында Ғ.Бастаубаев өңірдегі соттарға түсетін талап қоюлардың басым бөлігін мұрагерлік даулар құрайтынын атап, аталған санаттағы істер бойынша сот тәжірибесінде туындайтын өзекті мәселелерге тоқталды.