Маңғыстау облыстық сотының жаңа төрағасын таныстырды
Бүгін Маңғыстау облыстық сотында Қазақстан Республикасы Жоғарғы Сотының төрағасы Асламбек Мергалиев Президенттің 2024 жылғы 19 сәуіріндегі Жарлығына сәйкес Маңғыстау облыстық сотының төрағасы лауазымына тағайындалған Ербол Мұқажанұлы Рахымбековты ұжымға салтанатты түрде таныстырды.
Аталған іс-шараға Жоғарғы Соттың төрағасы А.Мергалиев, Маңғыстау облысының әкімі Н.Ноғаев, мемлекеттік орган және құқық қорғау органдарының басшылары, облыстық, аудандық және оған теңестірілген соттардың судьялары, ардагер судьялар, сот қызметкерлері қатысты.