Сс, 07/03/2017 - 16:41
Маңғыстау облыстық сотында 8-наурыз - Халықаралық әйелдер күні мерекесіне орай салтанатты шара өтті.
Аталған шараға Маңғыстау облыстық сотының төрағасы Ж.Аланов және судьялар, ауадандық және оған теңестірілген соттардың төрағалары мен судьялары, сот қызметкерлері қатысты.
Іс-шарада сөз алған Ж.Аланов нәзік жандыларды аталған мерекемен құттықтады.
«Маңғыстау облысы бойынша барлығы 84 судья болса, соның 36-сы әйелдер екен. Демек, бізде гендерлік теңдік сақталып отыр. Өмірінің негізгі бөлігін осы қызметке арнап, 15-20 жыл бойы үздіксіз сотта қызмет етіп келе жатқан, белгіленген 8 сағаттан да артық қызмет етіп, компьютер алдында көз майын тауысқан мамандарымыздың да еңбектері зор. Сіздерге сот жүйесінің, құқық саласының дамуына қосып отырған сүбелі үлестеріңіз үшін шынайы рахмет айтқым келеді», - деді сот төрағасы.
Шара соңы Мұрат Өскенбайұлы атындағы облыстық филармонияның өнерпаздары ұсынған концерттік бағдарламасымен жалғасып, барлық қатысушы нәзік жандыларға гүл шоқтары мен естелік сыйлықтар табысталды.