Бейнеуде қарыз өндіру туралы сот бұйрығы электронды түрде шығарылды

Бейнеу аудандық сотына «ҚазТрансГазАймақ» АҚ-нан борышкер А-дан 331 521 теңге сомасындағы қарызды өндіру туралы арызы   электронды бұйрық өндірісі  нысанында түсті.

Бейнеу аудандық соты  А-дан «ҚазТрансГазАймақ» АҚ-ның пайдасына 331 521 теңге және мемлекеттік баж төлеуге жұмсалған 4 979 теңгені  өндіру туралы сот бұйрығын электронды түрде шығарды.

2017 жылдың 17 шілдесінен бастап республиканың барлық соттарында сот бұйрықтарын шығару туралы арыздарды электронды түрде қарау  жобасы іске қосылған болатын.

Аталған жаңашылдық арыздың ұсынылуы мен тіркелуінен, заңды күшіне енген сот актісінің орындауға жолдануына дейінгі процесті электронды түрде жүргізуге ықпал етеді.