жм, 23/06/2017 - 15:41
Жаңаөзен қаласының мамандандырылған әкімшілік сотында Қазақстан Республикасының ӘҚБтК-нің 442-бабының 3-бөлігімен азаматша С-ға қатысты әкімшілік іс қаралды.
Сотта анықталғандай, С. кәмелетке толмаған 2009 жылы туылған Б. есімді қызының заңды өкілдерінің еріп жүруінсіз тұрғын жайдан тыс жерде сағат 23.00-ден кейін жүруіне жол берген. Сондай-ақ, ол осы әрекетті бір жыл көлемінде қайталап жасаған.
Соттың қаулысымен азаматша С. Қазақстан Республикасы ӘҚБтК-нің 442-бабының 3-бөлігімен кінәлі деп танылып, оған 15 айлық есептік көрсеткіш мөлшерінде салынған 34035 теңге айыппұл сомасы отбасы жағдайын ескеріп, Қазақстан Республикасы ӘҚБтК-нің 819-бабының 2-бөлігімен 30 пайызға қысқартылып, яғни 23 825 теңге көлемінде айыппұл салынды.
Қаулы заңды күшіне енді.