Архив событий

Маңғыстау облыстық сотында жалпы отырыс өткізіліп, күн тәртібінде бірқатар мәселелер талқыланды.

Оның ішінде сот істерін қарау барысында орын алған кемшіліктер, сот практикасында заңдарды қолдану, судьялар тарапынан жіберілген заң бұзушылықтар мен кемшіліктер талқыланды. Судьяларға әдістемелік көмек көрсету, кемшіліктермен жұмыс жасау жолдары айтылды.

Қатысушылар өрескел заң бұзушылықтар орын алған факті бойынша бір судьяға қатысты материалды ҚР Жоғарғы Соты жанындағы Сот жюриіне қарау үшін жолдау туралы ұсыныс енгізді.

Қарақия аудандық сотының судьясы М.Джумаева «Еңбек дауларының  алдын алу» мақсатында «Маңғыстау-Тазалық» жауапкершілігі шектеулі серіктестігінің  басшысы А.Иттыбаеваның және  қызметкерлерінің қатысуыларымен  дөңгелек үстел өткізді.

Дөңгелек үстел барасында судья еңбек даулары бойынша жан-жақты түсінік беріп, Қазақстан Республикасы Еңбек кодексінің  талаптарына сай, еңбек дауларын  алдын алып сотқа жеткізбей аяқтау қажет екенін атап өтті.

Дөңгелек үстелге қатысушлар  еңбек дауынан туындайтын өздерінің қызықтырған  сұрақтарын қойып, тұщымды жауаптарын алды.

Маңғыстау облыстық сотында «Отбасы бірлігін сақтау: сотқа дейінгі және соттағы татуластыру» тақырыбында дөңгелек үстел өткізілді. Жиынға облыстық соттың судьялары, аудандық және оған теңестірілген соттардың төрағалары мен судьялары, Ақтау қалалық азаматтық хал актілерін тіркеу бөлімінің басшысы Айша Елемесова қатысты.

Дөңгелек үстелдің модераторы, облыстық соттың судьясы Гүлажар Бақытжанова «Отбасылық сот» пилоттық жобасы, оның тиімділігі, аталған жобаны іске асырудағы судьялар мен медиаторлардың функцияларына тоқталды.