Архив событий

Мұнайлы аудандық сотының бастамасымен Мұнайлы ауданындағы «Techno Traiding LTD» ЖШС-нің ғимаратында медиация кабинеті ашылды.

Іс-шараға аудандық соттың төрағасы С.Наурзбаев, татуластырушы судья Г.Чельпекова, кәсіби медиаторлар, мекеме өкілдері қатысты.

С.Наурзбаев еңбек даулары қоғамда жиі кездесетінін тілге тиек етіп,  аталған  медиация кабинеті ұжым арасындағы жеке және ұжымдық еңбек дауларын реттеп, екіжақты бітімгершілікке келтіруге бағытталатынын түсіндірді.

Жауапкер Н. қолхат негізінде 2019 жылы  Г-дан  1 000 000 теңге қарыз   алып,  2020 жылдың  желтоқсан  айының  31-не дейін қайтаруға міндеттенген. Алайда,  жауапкер осы күнге дейін қарызды қайтармаған. Жауапкер қарыз    бойынша  өз міндеттемелерін орындамағандықтан, талап қоюшы Г. сотқа жүгінуге мәжбүр болған.

Істі қарау барысында тараптар дауды медиация тәртібімен реттеуге келісті. Келісімнің шарттары бойынша жауапкер Н. талап қоюшы Г-ге  2021 жылдың 30-шы  маусымына  дейін  1 000 000 теңге  қарызын төлеуге міндеттенеді.

Азаматтық іс бойынша іс жүргізу тоқтатылды.

Түпқараған аудандық сотында талап қоюшы М-ның  жауапкер Д-мен  араларындағы заңды некені бұзу туралы азаматтық іс қаралды.

Талап қоюшы М. талап арызында жауапкер Д-мен 2007 жылдан бері заңды некеде екенін, ортақ некеден жеті кәмелет жасына толмаған баласы  бар екенін,  қазіргі таңда неке қатынастары тоқтатылғандарын, түсініспеушіліктер көп болатынын, татуласуға мүмкіндік жоқ екенін көрсетіп, талабын қанағаттандыруды сұраған.

Алдын ала сот отырысы барысында медиация тәртібін  түсіндірудің нәтижесінде, тараптардан сот медиативтік  келісімі ұсынылды.