Бс, 23/02/2023 - 10:24
Маңғыстау облыстық сотының қылмыстық істер жөніндегі сот алқасы қылмыстық соттың М-ға қатысты үкімін жасөспірім жәбірленушілердің өкілі-адвокаттың апелляциялық шағымымен қайта қарады.
Бірінші сатының үкімі бойынша:
Бірінші саты сотының үкімімен азаматтық некедегі жолдасының кәмелетке толмаған балаларына бірнеше рет азғындық әрекеттер, зорлау, сексуалдық сипаттағы зорлық-зомбылық әрекеттер (124-баптың 3-бөлігі, 121-баптың 4-бөлігімен, 120-баптың 4-бөлігімен) жасағаны үшін М-ға 25 жылға бас бостандығынан айыру жазасы тағайындалған.
Апелляциялық шағым
Жасөспірім жәбірленушілердің өкілі-адвокат апелляциялық шағымында тағайындалған жазаның жеңілдігін көрсете отырып, М-ға қатысты үкімді өзгертіп, оған өмір бойына бас бостандығынан айыруды сұраған.
Апелляциялық алқамен бірінші сатыдағы сотпен тағайындалған үкімнің М-ның іс-әрекетіне сәйкес келмейтіні, сотталушы 2 кәмелетке толмағандарға қатысты аса ауыр қылмыс жасағаны анықталды.
Апелляциялық сот алқасының шешімі
Маңғыстау облыстық сотының қылмыстық істер жөніндегі сот алқасының қаулысымен бірінші саты сотының М-ға қатысты үкімі өзгертіліп, оған өмір бойына бас бостандығынан айыру жазасы тағайындалып, кәмелетке толмаған жәбірленушілердің өкілі - адвокаттың апелляциялық шағымы қанағаттандырылған.
Іс жабық тәртіпте қаралғандықтан, басқа мәліметтер жариялауға жатпайды.