Ескерту түрінде әкімшілік жаза қолданылған

Ақтау қаласының мамандандырылған әкімшілік сотынында А-ға қатысты Қазақстан Республикасы Әкімшілік құқық бұзушылық туралы Кодексінің 73-бабының 1-бөлігімен  (құқық бұзушымен отбасы-тұрмыстық қатынастардағы адамдарға сыйламаушылық көрсетіп, былапыт сөйлеу, қорлап тиісу, кемсіту, үй тұрмысындағы заттарды бүлдіру және олардың тыныштығын бұзатын, жеке тұрғын үйде, пәтерде немесе өзге де тұрғынжайда жасалған басқа да әрекеттер, егер бұл әрекеттерде қылмыстық жазаланатын іс-әрекет белгілері жоқ жөнінде) әкімшілік іс қаралды.

Сотта анықталғандай, А. Ақтау қаласы, 12 шағын ауданда орналасқан үйіне келіп, заңды некедегі зайыбы  М-ға қарсы былапыт сөйлеп, отбасы-тұрмыстық қарым-қатынастағы азаматтарға сыйламаушылық білдіретін әрекеттер жасаған.

Сотпен  А. жоғарыда көрсетілген баппен кінәлі деп танылып, оған әкімшілік жаза ретінде ескерту жазасы қолданылды.

Қаулы заңды күшіне енген жоқ.