Архив событий

Бейнеу аудандық сотына талап қоюшы Г-ның жауапкер М-мен арадағы некені бұзу туралы азаматтық іс бойынша істі сот талқылауына дайындау әрекеттерін жүргізу кезінде пилоттық жобаға сәйкес талап қоюшы мен жауапкер  Бейнеу ауданының кәсіби медиаторына барып, медиативтік келісімге қол жеткізгендері туралы келісімді ұсынды.

Сотта анықталғандай, келісімде талап қоюшы Г. жауапкерге қойған талабынан толықтай бас тартатынын, ал жауапкер М. ішкі отбасылық мәселелерді өзара шешуге міндеттенетінін көрсеткен.

Маңғыстау облысының ауданаралық экономикалық сотына ЖК «C&A» С.Сенбаеваның  жауапкер  «Индустриальный парк Мангистау» ЖШС-нен 8 923 225 теңге қарыз ақша, 493 606 теңге  өсімпұл өндіру туралы  талап  қою  арызы оңайлатылған (жазбаша) іс жүргізу  тәртібімен қабылданды.

Азаматтық іс бойынша  тараптар  дауды (жанжалды) медиация тәртібімен шешу  туралы  ортақ  келісімге  келді.

Қарақия аудандық  сотында ҚР ӘҚБтК-нің 442 бабы  3 бөлігімен құқық бұзушы  М.Б.-ға қатысты әкімшілік  іс қаралды.  Құқық бұзушы М.Б.-ға  әкімшілік айыппұл салынғаннан кейін бір жыл ішінде қайтадан 2017 жылдың 23 шілдесінде 23.00 кейін оның баласы кәмелетке толмаған Б.Ү. заңды өкілінсіз көшеде жүргендігі орын алғаны үшін хаттама толтырылған.

Ақтау қаласының мамандандырылған әкімшілік сотында азамат С-ға қатысты әкімшілік іс қаралды.

Сот отырысында анықталғандай,   С.  автокөлігін қасақана, көрінеу жалған R677FВM мемлекеттік тіркеу нөмірі белгісімен  жүргізіп, жол полиция қызметкерлеріне ұсталған.

Сот қаулысымен С. Қазақстан Республикасы ӘҚБтК-нің 590-бабының 4-бөлігімен (көрінеу жалған немесе қолдан жасалған мемлекеттік тіркеу нөмірі белгілері (белгісі) бар көлік құралын пайдалану) кінәлі деп танылып, оған 1 жыл мерзімге көлік құралын басқару құқығынан айыру жазасы қолданылды.

Қаулы заңды күшіне енді.

Талапкер Н. жауапкерлер Н.У., Н.А., Н.Е. және Н.Е.-дан барлық мүлік құнынан 10% үлестік өтемақы  өндіру туралы талап арызбен сотқа жүгінді.

Ақтау қаласының мамандандырылған әкімшілік сотында Қазақстан Республикасының Әкімшілік құқық бұзушылық туралы кодексінің 463 бабы 1 тармағы бойынша (тіркеу, рұқсат беру, хабарлама жіберу мiндеттi болған жағдайларда, тiркеусiз, рұқсатсыз, сол сияқты хабарлама жібермей кәсiпкерлiк немесе өзге де қызметпен айналысу, сондай-ақ әрекеттердi (операцияларды) жүзеге асыру, егер бұл әрекеттерде қылмыстық жазаланатын іс-әрекет белгiлерi болмаса) «Golden Towers» ЖШС-не қатысты әкімшілік құқық бұзушылық туралы іс қаралды.